泰航推「誦經航班」

疫情之下，旅遊、航空、酒店業成為重災區，全部都要出盡法寶救亡。唔少航空都有搞「Flycation」，喺上空繞個圈落返嚟。

但泰國航空呢個版本就夠創新啦，佢哋早前搞咗個「誦經航班」，帶旅客經過泰國99個佛教聖地，例如四面佛、玉佛寺航程3個鐘，最後返回曼谷。

除咗有得飛，泰航更安排名人喺航程中帶頭誦經，乘客仲會有佛書同餐點，票價5,999至9,999泰銖不等（約1499-2498港元）

多諗頭泰航

疫情逼出各行各嘅創意，而航空界「最具創意獎」可能非泰航莫屬。佢哋早前將公司嘅咖啡廳改裝成「機艙餐廳」，除咗有飛機椅，仲有埋登機梯，連登機證都有，十足十真係喺飛機咁啊。

Photo by Thai Catering facebook

佢哋早前更加將一啲淘汰咗嘅救生衣升級成手袋出售，創意就係咁爆出嚟啦。