日航推減廢新招 唔食飛機餐有嘢送

日本航空最近推出新招希望幫助減廢，乘客喺網上check in時可以選擇唔要飛機餐，日航會送出過夜包作為補償，入面包括眼罩、耳塞、牙刷等。

所有艙等嘅乘客都可以揀「走飛機餐」，商務艙乘客，更會獲得法國品牌Maison Kitsune嘅過夜包作補償。

措施會喺曼谷飛東京嘅航班試行，乘客要喺起飛前25個鐘指示「走餐」。

Photo by Free To Use Sounds on Unsplash

環保成為近年嘅大勢所趨，旅行好多時都會被人批評為好唔環保嘅活動。除咗因為飛機會排放大量碳排放外，佢所帶嚟嘅垃圾量亦都唔講得笑。

每程機其實會製造大量垃圾，食唔晒嘅飛機餐亦都好可能被送去堆填區。國際航空運輸協會指出，2017年全球有114萬公噸航空食物被廢棄，所以需要正視機上嘅廢物問題。

今日今日去旅行，好難去避免唔去搭飛機，但可以點搭得對地球傷害少啲呢？如果真係冇需要食飛機餐，好似搭凌晨過夜機嘅話，好多人都會寧願瞓覺唔食嘢；或者短途機，起飛前都食飽咗，有得揀「走飛機餐」都係唔錯嘅選擇吖。