機艙嘅空氣十分乾燥，搭飛機特別係長途機嘅時候，護膚就顯得份外重要，以下係少少機艙護膚小貼士
防曬
搭飛機嗰時，即使你閂咗窗，其實都唔可以完全咁阻隔出面嘅紫外線，所以上機前大約半個鐘，可以搽定防曬。
面膜
飛機入面十分乾燥，唔少朋友會帶定一定補濕Mask去敷。但一定要注意時間，因為飛機乾燥嘅空氣會令面膜嘅水份更快乾，小心倒抽面上嘅水分。
如何保濕？
保濕口罩 - 可以帶定保濕口罩上機，減低面部肌膚水份流失
如果買唔到，戴一般口罩都可以幫到手。
護膚油 - 上機前可以先用少少護膚油打底，避免水份流失。
忌用機艙水洗面
機艙洗手間嘅水來源不詳，未必乾淨。所以都唔建議直接用嚟洗面， 可以用卸妝面紙嚟抹面代替。
Comments