出唔到去旅行，留喺香港又有邊到好去呢？
想遠離煩囂放鬆下，可以考慮下錦田。
無論想去食嘢、打卡定行下hea下，都幫到你。
即刻mark低以下嘅景點啦。
錦田跳蚤市場
錦田跳蚤市場嘅地方雖然唔大，但絕對五臟俱全。
食嘅有、玩嘅有、買嘅都有。
就咁影相放上IG，你話去咗台灣夜市、曼谷市集都有人信啊。
- 錦上路站B出口（只在周末假日開放）
- 懷舊麥芽餅，5蚊咋！
錦田紅磚屋
由跳蚤市場行大約十分鐘，就會見到一大座由紅磗砌成嘅屋，入面有大量商店同食檔，好多商店都賣懷舊物品，鍾意vintage嘢嘅朋友一定要嚟尋下寶！
-新界元朗錦田祠堂村地段 390至 400 （只在周末假日開放）
- 錦田紅磚屋前身係蠟燭廠，而家喺入面都有舖頭售賣蠟燭
錦田壁畫村
由錦田紅磚屋向前行多少少，就見到一幅幅好靚嘅壁畫。你已經到咗錦田壁畫村啦。最初由一位中學視藝老師發起，喺呢個社區畫上壁畫，慢慢愈嚟愈多居民畀佢哋畫，形成今日嘅壁畫村，就好似台中嘅彩虹眷村咁啊！
Comments