講起葵青區，好多人可能只係諗起青馬大橋，但其實呢一區都有唔少地方值得去，無論影相打卡定食嘢掃街都有好多選擇。
青衣自然徑
青衣自然徑係由青衣長宏邨行到青衣西路嘅山徑，全程大約3.5公里，個半鐘左右就行完，非常易行。山徑景色非常之靚，可以遠眺青馬大橋，日落嘅景色更加係靚到返唔到轉頭。
長青邨 - 井字型屋邨
長青邨係青衣第一條公共屋邨，採用雙塔式設計，即係電影見到嘅井字型屋邨，攝影人士一定鍾意呢到，而喺長青邨更加可以飽覽藍巴勒海峽同貨櫃碼頭。
青衣公園 - 紅葉勝地
- 網上圖片
每逢秋天，都會有好多人上山睇紅葉。但其實香港有紅葉睇嘅地方有好多，嚟青衣公園就唔使上山都睇得到，而且交通十分方便。所以睇紅葉唔一定要去元朗大棠嘅！
葵涌廣場 - 商場內掃街
講起葵青區，一定要提喺葵芳嘅葵涌廣場啦！入面有大量街頭小食，魚蛋燒賣、中西日台乜都有，逐間掃，包你飽過餐廳食正餐。除咗食，商場入面仲有好多特色小店，衫褲精品都有
隨時可以尋到寶啊！
Comments